Гөлназ Асаева: «Кызым, балалар бакчасына йөри башлагач, русча гына сөйләшә башлады»
Җырчы Гөлназ Асаева тормышындагы бик тә матур мизгеле белән уртаклашты. Видеода ул балалар бакчасына йөри башлаган сабыен сагынып каршы ала. Яшь әни очрашу шатлыгыннан бәхеттән балкый.
Сабый башта әнисенең ал төстәге шубасын мактап ала: әни белән бала үзләре генә аңлаша торган телдә сөйләшә.
«Менә шулай, марҗушкам минем, балалар бакчасына йөри башлагач, русча гына сөйләшә башлады, кызганычка. Белмибез инде, нәрсә эшләтербез бу баланы», – дип, борчуы белән уртаклаша Гөлназ Асаева.
