Җырчы Гөлназ Асаева күкрәкләрен зурайту буенча пластик операция ясаткан. Җырчы башта бу хакта беркемгә дә сөйләргә теләмәгән. Ләкин соңрак язылучылары белән бүлешергә булган. Бу хакта «Татарча солянка» телеграм-каналында язалар.
«Әйе, мин маммопластика ясаттым. Моны яшерергә һәм бернәрсә дә булмаган кыяфәт ясарга теләмим. Акланырга да җыенмыйм», – дигән җырчы.
Гөлназ язылучыларына наркоздан чыккан видеосын да күрсәтте. «Уяныгыз, Гөлназ. Сезгә матур күкрәкләр ясадык, бик матур», – дип уяталар аны «йокыдан».
Җырчы сәхифәсендә үзе белән барысы да яхшы булуын, хәзер инде табибы белән бары тик 1 айдан гына күрешәчәкләрен дә әйткән.
