Җырчы Гөлназ Асаева ел башында бик каты авариягә эләккән иде. Җырчы юл фаҗигасенә Бәләбәй районында, Бәләбәй-Николаевка-Туймазы-Бакалы трассасының 14 нче километрында юлыкты. Ике машина бәрелешкән мизгелдә руль артында Гөлназ Асаева үзе булган. Хәзерге вакытта җырчы әлеге эш буенча суд юлларында йөри.
Әлеге авария вакытында җырчының үз машинасына да коточкыч зур зыян килде. Ул бу хакта язылучыларының сорауларына җавап биргәндә әйтә. Аның сүзләренчә, машина төзекләндерерлек түгел.
«Ике машина да төзекләндерерлек хәлдә түгел. Әлегә арендага алынган машинада йөрибез. Кайчан яңа машина алу мөмкинлегебез булыр, белмим», – дигән ул.
