Гөлназ Асаева авыр чор кичерүе турында: «Җырлаудан туктарга дигән уйлар да килә...»

Гөлназ Асаева үзенең «подписчиклары»на хәзерге вакытта тормышындагы иң авыр чорларның берсен кичерүе хакында сөйләгән.

«Бәлки, бу сүзләр кемгәдер сәер тоелыр, әмма минем бик кыен вакытларым. Тормышымда беркайчан да мондый коточкыч периодлар булганы юк иде. Һәрвакыт бөтен эшне дә 100 процентка башкардым. Ә хәзер нәрсәгә генә тотынсам да килеп чыкмый.

25 яшьтә башкалар нәрсә генә эшләми, ә мин ниндидер тупикта. Иҗат буенча да, блок һәм башка проектлар буенча да.

Кайвакыт, җырлаудан туктарга дигән уйлар да килә. Кайчан да булса бу халәттән чыгармын, дип өметләнәм.

Ни өчен бу турыда язаммы? Белмим, бәлки, җиңелрәк булып китәр… Тик әлегә шулай», – дип белдергән ачыктан-ачык Асаева.