Җырчы Гөлнара Тимерҗанова Гарәп Әмирлекләренә ялга очкан. Җылы якларны ул «кешелек дөньясындагы җәннәт» дип атый.
«Менә җәннәт кайда ул, кадерле тамашачыларым. Бу дөньядан бакый дөньяга күчкәч тә җәннәттә булырга насыйп булсын. Амин. Ә бүген мин кызым белән шушы безнең яшәештәге җәннәтебездә, әлхәмдүлилләһ.
Биредә йөргән минутларны искә төшереп яшәргә, тагын да бирегә килергә, балаларымның балалары белән килергә насыйп булсын», – дип теләгән җырчы.
Фотолары янына Гөлнара Тимерҗанова: «Тормыш әле башлана гына, мин моны беләм», – дип тә язып куйган.
