Гөлнара Тимерҗанова: «Ирем никахлы килеш башка хатын белән никах укыткан, балалары туган»
Җырчы Гөлнара Тимерҗанова соңгы арада югалып торуының сәбәбен «Ирек мәйданы» газетасына сөйләгән.
«Икенче иремнән аерылып йөрүем. Беренчесе белән – 12, икенчесе белән 10 ел гомер иттем. Әмма бәхетең бер булмаса, юк икән. Ышанып кияүгә чыккан ярым иде. Минем белән никахлы килеш, башка хатын белән дә никах укыткан, балалары туган. Өстәвенә, минем машинага утырып, аны бала тудыру йортыннан алып кайткан.
Бу хәсрәттән арындым. Көнемне балалар белән үткәрәм. Улым Идел ресторанда пешекче булып эшли. Очрашып йөргән кызы бар. Бәлки, өйләнеп тә куяр. 24 яшькә җитте. Кызым Айзифа 3нче сыйныфта белем ала. Тиздән концертлар белән гастрольләргә китәм», – дип сөйләгән ул «Ирек мәйданы» журналисты Эльмира Сәлаховага.
