«Голландия» исеме рәсми рәвештә кулланылудан туктады
Ил хөкүмәте фикеренчә, үзгәрешләр нәтиҗәсендә наркотиклар һәм фахишәлек белән бәйле тискәре имидждан котылырга мөмкин булачак. Бу хакта Mail.ru хәбәр иткән.
2020 елның 1 гыйнварыннан рәсми рәвештә Нидерланд өчен «Голландия» атамасы кулланылудан туктады. Ил хакимияте элегрәк хәбәр иткәнчә, бу аның имиджын яхшырту өчен эшләнә.
Моннан соң җирле хакимият, югары уку йортлары, шәхси компанияләр һәм басмалар «Нидерланд» атамасын гына кулланырга тиеш. Әлеге реформаларга якынча 200 мең евро акча бүлеп бирелгән.
Үзгәрешләрнең гамәли максаты да бар. Хөкүмәт фикеренчә, әгәр дә исем үзгәрсә, туристлар Голландиянең тарихи өлкәсенә азрак йөриячәк һәм күбрәк Нидерландның башка өлешләрен карарга киләчәк.