Аранжировщик, композитор Марат Мухинның хатыны – блогер Гөлия Вәлиәхмәтова киләчәктә тормышка ашырасы килгән планнары турында әйткән. Язылучылары аннан: «5-10 елдан соң үзегезне кем булып күрәсез?» – дип сораган.
Гөлия Вәләхмәтова: «Дөньяның барлык илләрендә булган иң танылган актриса итеп күрәм. Актриса булу, әлбәттә, минем хыялым. Ул җиңел генә бирелми. Барысы да синнән генә тормый, бәхет эшеннән дә тора», – дип җавап биргән ул.
Шулай ук аннан: «Куркыныч фильмда төшәр идегезме?» – дип сораганнар.
«Хәзерге вакытта бөтен җирдә төшәр идем. Аннары гына мактана алырмын дип уйлыйм, әгәр андый мөмкинлек булса», – дигән Гөлия Вәлиәхмәтова.
