«Гипс…» — Данир Сабировка ни булган?
Артистның аягына хастаханәдә гипс салып кайтарганнар.
Җырчы, юморист Данир Сабировка бүген хастаханә юлын таптарга туры килгән. Артист, каядыр аягын авыртырып, травматолог-ортопедка күренгән. Хастаханәдән кадрларны җырчының хатыны Миләүшә Сабирова инстаграмга урнаштырган.
«Гипс салдылар. Аллаһка шөкер, сынмаган», — дип яза ул.
Данир Сабировның үзенең дә аягын имгәткәнгә артык исе китмәгән бугай, һәрвакыттагыча шат, кәефе яхшы.