Популяр алып баручы Газинур Фәйзуллин балык тотканда кабыргасын сындырган. Болай хәле әйбәт үзенең.
«Эшләп йөрим, йөгереп тә йөри алам, куркырлык әйбер юк. Кама Тамагы якларына балыкка бардык. Яңгыр явып узган иде. Текә ярдан төшкәндә аяк таеп китеп, чыгып торган ботакка кабыргам белән егылдым. Умыртка сөяге өчен борчылган идем. Кабырга гына булгач, зарланып булмый инде», – диде ул «Интертат» хәбәрчесенә.
Газинур башка әйбер өчен ныграк борчыла.
«Ерак юл барып, кабырга сөяген сындырып, 18 сәгать утырып, ник бер экземпляр сазан балыгы эләксен», – дип шаяртты ул.
