Гастрит кешедән кешегә йога аламы?
Әлеге сорауга гастроэнтеролог Ләйсән Тимуршина җавап бирә.
Гастритны төрле классификацияләргә бүләләр - бактериаль, вируслы, гөмбәчекләрдән барлыкка килгән һәм паразитар. Шушы квалификациядән чыгып, гастрит авырудан сәламәт кешегә йога ала дип әйтеп була, диде гастроэнтеролог Ләйсән Тимуршина.
Гастрит белән көнкүрештә зарарланырга мөмкин. Шуңа күрә шәхси гигиенага аеруча игътибарлы булырга кирәк, диде табиб. Шулай ук гастрит белән авыручы кешенең аерым савыт-сабасы, сөлгесе булырга тиеш.
Гастритның иң еш сәбәбе - хеликобактер пилори бактериясе. Шушы бактерияне ачкан ике галим (Австралия галимнәре Барри Маршалл һәм Робин Уоррен - Т.И.искәрмәсе) 2005 елны Нобель Премиясен алды.
Табиблар хеликобактерны дәвалый белә. Кеше үзендә гастрит билгеләрен сизсә, табибка мөрәҗәгать итәргә киңәш итәм.