Гамил Әсхәдулла: «Улымның иҗатка тартылуына бик сөенә идем…»
Татарстанның халык артисты, «Мунча ташы» эстрада театры җитәкчесе Гамил Әсхәдулла инстаграмда олы улы Рамилне кыска һәм оста итеп туган көне белән котлаган.
«Бүген кадерле улым — Рамилемнең туган көне. Мине әти булу бәхетенә ирештергән тәүге балам ул минем. Улымның иҗатка тартылуына бик сөенә идем. Ә инде үземнең сәхнәдәшем, таянычым булып җитешкәч, куанычларым, горурлыгым чиксез. Улыма яңадан-яңа иҗат мөмкинлекләре, матур гаиләсенең бәхетле булуын, сәламәтлек сорыйм Аллаһымнан!» — дип бик мәгънәле сүзләр ирештергән әти кеше.
Аның бу теләкләренә инстадуслары да кушылган. Рамилгә бары изге теләкләрен юллаганнар. Аның иҗатына, җырлавына, сәхнәдә үз-үзен тотышына сокланганнар.
«Бик матур теләкләр теләгәнсез. Олы йөрәкле чын ир кеше икәнсез», «Әти теләге - иң тиз кабул була торган теләк, диләр», — дип язучылар да булган.