Сишәмбе көнне, 11 ноябрьдә, Кояшта зәгыйфь һәм уртача магнит давыллары көтелә, ә чәршәмбегә алар көчәергә мөмкин. Бу хакта Россия Фәннәр академиясенең Космик тикшеренүләр институтының Кояш астрономиясе лабораториясендә хәбәр иттеләр, дип яза РИА Новости.
«2025 елның 11 ноябренә космик һава торышы. Бер тәүлеккә фараз: көн ахырына (Мәскәү вакыты буенча) G1-G2 дәрәҗәдәге магнит давыллары көтелә, иртәгә, 12 ноябрьдә, G3-G4 дәрәҗәсенә күтәрелергә мөмкин», – диелә лабораториянең телеграм-каналында.
Шулай ук Кояшта көчле кабынулар ихтималы да саклана, шул исәптән, югары Х баллы кабыну да булырга мөмкин.