Галимнәр коронавирустан дару табулары хакында белдерде
Рибавирин вирусның күзәнәкләрдә үрчүен акрынайта.
РИА Новости язуынча, галимнәр коронавирустан дару тапкан. Гете Университеты һәм Франкфурт университеты хастаханәсе гепатит һәм башка инфекцияләрне дәвалауда кулланылган рибавирин препараты коронавирустан дәва була ала дип яза. Бу хакта Nature журналы язган.
COVID-19 кешенең күзәнәкләрен үзгәртә икән. Күп кенә вируслар аксымнар бүлеп чыгаруны киметә, ә коронавирус аксымның бүленеп чыгуына түгел, үзгәрүенә тәэсир итә.
Рибавиринның күзәнәкләрдәге вирусның үрчүен акрынайтуы ачыкланган.
Бөтендөнья сәламәтлек саклау оешмасы мәгълүматлары буенча, коронавирус белән дөньяда 4 миллионнан артык кеше авырган, 287 мең кеше һәлак булган. Россиядә вирусны йоктыручылар 252 меңнән артык, 53 меңе савыккан, 2300дән артык кеше үлгән.