Танзаниядә бәйрәм вакытында бер гаиләдән 11 кешене берьюлы яшен суккан. Бәйрәм чыгарылыш кичәсе уңаеннан оештырылган булган. Бу турыда Лента.ру хәбәр итте.
«Daily News» басмасы белешмәсе буенча, фаҗига 3 декабрьдә була. Мапарагве авылында 11 кешелек гаилә ачык һавада бәйрәм оештыра. Аларны бер туганнары чыгарылыш кичәсенә җыя. Шул чакта яшенле яңгыр башлана, һәм яшен кисәк кенә суга. Туганнарның бишесе исән кала, алтысын коткара алмыйлар. Зыян күрүчеләрнең икесе балалар була.
Полиция биредә яшәүчеләргә яңгырлар сезоны вакытында иминлек кагыйдәләрен үтәргә, үзләренә куркыныч тудырмаска чакыра, диелә хәбәрдә.
