Гаиләсен яндырып үтергән 25 яшьлек ирне гомерлеккә ирегеннән мәхрүм иттеләр
Бүген Башкортстанның Белорецк шәһәре суды өч гаилә әгъзасын үтерүдә гаепләнгән ирне хөкем иттеләр.
25 яшьлек ир элегрәк кеше талаган һәм караклык өчен хөкем ителгән була. Өенә кайткач, якыннары белән мөнәсәбәтләре начарая. Әтисе аны хөкем ителүдә гаепли, атасы белән улы арасында сугыш чыга. Моңа үч итеп, ир гаилә әгъзаларын яндырып үтерергә дигән крарага килә. Алар йоклап киткәч, ул йортка ут төртә. Ирнең бабайсы гына йорттан котыла ала. Аның 47 яшьлек әтисе, 66 яшьлек әбисе һәм 65 яшьлек абыйсы янып үлә.
Йорт янып бетә. Суд гаеплене гомерлеккә ирегеннән мәхрүм итә дип хәбәр итә Башньюс сайты.
