Габдулла Тукайның 150 еллыгын бәйрәм итү буенча оештыру комитеты составы расланды

Россия Федерациясе Хөкүмәте Габдулла Тукайның тууына 150 ел тулуга әзерлек һәм аны үткәрү буенча оештыру комитеты төзеде һәм аның составын раслады. Шул хактагы боерыкны РФ Хөкүмәте Рәисе Михаил Мишустин имзалаган, дип хәбәр итә «Татар-информ».

Оештыру комитетының автордашлары – РФ Президенты ярдәмчесе Владимир Мединский (килештерү буенча) һәм Татарстан Рәисе Рөстәм Миңнеханов. Комитетның җаваплы секретаре итеп статс-секретарь – РФ мәдәният министры урынбасары Жанна Алексеева билгеләнде.

Оештыру комитеты составына федераль ведомство вәкилләре, мәдәният һәм мәгариф учреждениеләре җитәкчеләре, шулай ук кайбер төбәк башлыклары керде. Алар арасында РФ мәдәният министры Ольга Любимова, РФ мәгариф министрының беренче урынбасары Александр Бугаев, РФ фән һәм югары белем министры урынбасары Константин Могилевский, РФ төзелеш һәм ТКХ министры Ирек Фәйзуллин, Мәскәү дәүләт университеты һәм Санкт-Петербург дәүләт университеты ректорлары Виктор Садовничий һәм Николай Кропачев, Чехов исемендәге Мәскәү художество театрының сәнгать җитәкчесе Константин Хабенский, «Мосфильм» генераль директоры Карен Шахназаров һәм башкалар бар.

Документ Россия Федерациясе Президентының «Габдулла Тукайның тууына 150 ел тулуны бәйрәм итү турында»гы Указын үтәү максатыннан кабул ителде.