«Гаҗәеп матур»: Алсу кызы Микела белән дуэт яздырган
Россиянең һәм Татарстанның атказанган артисты Алсу Сафина үзенең иң яраткан җырын кызы белән җырлый.
Җырчы Алсу кызы Микела белән яздырган дуэт турында Инстаграмдагы сәхифәсендә хәбәр итте.
«К тебе» - репертуарымдагы иң яраткан җырларымның берсе. Кызым Микела белән дуэт вариантын яздырдык. Минемчә, ул аерым сингл була ала. Сезгә ничек?» — дип сорый Алсу.
Инстачылар җырны ошаткан. «Гаҗәеп матур», — дип язалар.
«Алсу, өч балагыз бар, нигә берсен генә үзегез белән йөртәсез?» — дип кызыксыналар.
Алсу сорауга сорау белән җавап биргән. «Ничек уйлыйсыз, Инстаграмдагы постлардан тыш та тормыш бар микән?» — ди ул.
«Үпкәләтәсем килмәгән иде. Әти-әниләр бер баланы гына аергач, әйбәт түгел», — ди инстачы.
Калганнар Алсуны яклый, «кече балаларын үзләре тели башлагач күрсәтер», диләр.