Гүзәлия: «Тирә-ягыма карап куйдым да шаккаттым…»
Еллар узган саен дус-ишләрнең саны кими, диләр. Дөрес, күрәсең. Композитор, җырчы Гүзәлия дә соңгы арада янәшәсендә чын, тугры дуслары гына калып баруына ишарәләгән.
«Тирә-ягыма карап куйдым да шаккаттым… Көзгегә караган сыман… Янымда үзем сыман кешеләр генә хәзер. Бераз гына тилеләр, чеметем генә елан теллеләр, би-и-ик тә хыялыйлар, җитәрлек ярдәмчелләр һәм, иң мөһиме - тугры кешеләр. Ни дисәң дә, көчле шәхесләр. Аллам күп күрмәсен! Аллага шөкер! Барыгызга да зур рәхмәт», — дип язган Гүзәлия истаграмда куйган бер посты астына.
Башын әзрәк күтәреп, киләчәккә карагандай, ыспай гына басып төшкән фотосурәтенә бик күп комплиментлар язганнар инстадуслары. «Сез искиткеч», «Сезгә шулай бик килешә. Чибәрләнеп киттегез», «Гүзәлия, сез көннән-көн яшәрәсез», «Супер хатын-кыз», «Сез бу фотода тагын да горур», «Патшабикә!», «Вау, императрица!», «Зыкинага охшагансыз. Шундый ук горур», — дигәннәр.
