Гүзәл Уразовадан «Ялкау пицца» рецепты
Җырчы бу ризыкка исем уйларга виртуаль дусларына калдырган.
Ингредиентлар: түгәрәк ләвәш, майонез, кетчуп, колбаса, тозлы кыяр, помидор, сыр, йомырка һәм көнҗет орлыгы.
Ләвәшнең чирек өлешенә кисем ясарга. Кетчуп һәм майонез ягарга. Ләвәшне дүрт өлешкә «бүлеп» бер өлешенә колбаса, икенчесенә боҗралап туралган кыяр, аннары помидор, соңыннан сыр төзәргә.
Шулай итеп киселгән җирендә почмаклап өсте-өстенә салып өчпочмак ясарга.
Йомыркага көнҗет орлыгы салып болгатырга һәм пиццага сыларга.
200 градуска кадәр кызган духовкада 15-20 минут пешерергә.
Җырчының виртуаль дуслары бу ризыкка «Сораматык», «Ата ялкау пиццасы», «Квартет», «Киш-миш», Кыстырма» «Тяп-ляп» һ.б. исемнәр тәкъдим иткән. Ингредиентлары пиццаныкы, ә камыры ләвәш булгач без «Ялкау пицца» исемен сайлап алдык.