Гүзәл Уразовадан җиләкле пирог рецепты
Эчлек өчен виктория, җир җиләге, кура җиләге һ.б. кулланырга мөмкин.
Җырчы Гүзәл Уразова җиләкле пирог рецептын тәкъдим итә.
Камыр өчен: 200 грамм атланмай, 100 грамм шикәр комы, 2 йомырка, 2 бал кашыгы көпшәкләндергеч, 300 грамм он.
Эчлеккә бакча җиләге (үзегез яраткан җиләкне сайларга мөмкин) кирәк булачак.
Табаны майларга, әзер камырны табага кул белән җәяргә, җиләкне салырга һәм 30-35 минутка духовкага куярга.
Пирогның өстенә салу өчен 3 аш кашыгы кибет каймагына 3 аш кашыгы шикәр комы салабыз һәм яхшылап болгатабыз.
Әзер пирог өстенә каймакны салырга һәм 1-2 сәгатькә калдырырга (духовкага куярга кирәкми).