Гүзәл Уразовадан диетик хачапури рецепты
Хачапури уртасындагы йомырканың сарысы пешеп бетәргә тиеш түгел.
Хачапури өчен: 100 грамм эремчек, 80 грамм дөге оны, 1 йомырка, 35 грамм сыр, бер чеметем тоз, камырны майлау өчен — бер йомырка сарысы.
Эш барышы: эремчек, йомырка, он һәм тозны бергә салып болгатырга.
Табага пергамент кәгазе җәяргә һәм массаны көймә итеп формалаштырырга. 180 градуска кадәр кызган духовкада 10 минут пешерергә.⠀
«Көймәләр»не духовкадан алырга, сыр өстәргә һәм 5 минутка духовкага куярга.
Соңыннан бер йомырка сытарга һәм «көймә»нең кырыйларын йомырка сарысы белән майларга һәм 5-7 минутка духовкага куярга. Йомырка сарысы пешеп бетмәскә тиеш.