Гүзәл Уразова: «Ә сезгә минем күлмәкләрем ошыймы?»
Җырчының күпчелек сәхнә күлмәкләренең дизайнеры бер үк кеше икән.
«Күлмәкләремнең эстетикасы дизайнер Алинә Бәдретдиновадан. Ә сезгә минем күлмәкләрем ошыймы? Матурмы?» — дип сораган ВКонтакте сәхифәсендә Гүзәл һәм берничә күлмәгенең фотосыннан торган коллаж тәкъдим иткән.
«Иң шәп күлмәкләр», «Бик матур», «Оста дизайнер, бөтенесе дә килешә», «Сезнең сәхнәдәге һәр чыгышыгыз — сәнгатьнең аерым бер төре. Искиткеч», «Гүзәл, сезнең гәүдәгезгә бәрәңге капчыгы да килешә», — дип бертавыштан хуплаганнар җырчының виртуаль дуслары.
Килешәсезме, чынлап та, татар эстрадасында иң матур, нәфис, нәзәкатьле, затлы, хатын-кыз буй-сынының бөтен нечкәлекләрен ачып бирә торган, шул ук вакытта тыйнак, җыйнак күлмәкләр Гүзәл Уразовада! Шулай ук Илсөя Бәдретдинованың да соңгы еллардагы сәхнә күлмәкләре аерым игътибарга лаек, миңа калса… Тагын кемнең күлмәкләре ошый сезгә?
