Гүзәл Уразова "лизун" ясарга өйрәтә - видео
Җырчының нәни улы "лизун" дип аталган уенчык сорап йөдәткән.
Шимбә көнне иртәнге якта Гүзәл Уразова улы Самир белән "лизун" сатып алырга дип кибеткә киткәнен инстаграмга язган иде.
Соңрак алар кибеттән "лизун"ны алып кайтты. Бу уенчык белән уйный башлаганчы, аны ясарга да кирәк икән.
"Эзли торгач таптык без теге "лизун"ны, аны әле ясыйсы да бар икән! Химия дәресләре искә төште", - дип язган Гүзәл.
Видео кадрларында җырчының балалары Камилә һәм Самир белән "лизун" ясап караганы сурәтләнгән.
Өстәл өстенә төрле матдәләр җәеп салынган. Шулай итеп алар уенчыкны үзләре ясап куйган.
Инстачылар язган комментарийлардан аңлашылганча, бу уенчык шактый популяр булып чыкты. Күбесенең балалары шуны сорый икән.