Гүзәл Уразова: «Концертлар булмаса, Илдар белән укытырга чыгабыз»
Татарстанның халык артисты Гүзәл Уразова белән хәләл җефете Илдар Хәкимов, гастрольләр башланмаса, укытырга әзер булуларын Инстаграм битендә язганнар.
«Концертлар булыр микән быел? Февральгә кадәр булмый, дигән имеш-мимешләр дә йөри. Булмаса, Илдарның да, минем дә педагогик белемебез бар, укытырга чыгабыз инде, кем безгә укырга килә?» — дип сорау биргән тамашачыларга Гүзәл Уразова.
«Мин киләм. Киттем чемодан җыярга», «Әзерләндем, юлга чыктым, көтегез», «Гүзәл, матурым, бик әйбәт фикерең. Алайса бөтен артистлар сетевой бизнес әйберләрен ашап шашалар. Хет бер артист әйбәт фикер язар икән», — дигәннәр җырчыга.
