Гүзәл Уразова: «Кара мунча яхшырак»
Җырчы ире белән мунча турында бәхәсләшкән видеосын куйган.
Гүзәл Уразова мунча яккан видеосын куйган. Тик мунча миче генә кабынмый. Ире Илдар: «Морҗасын ачмагансыңдыр», - ди. «Морҗа да ачылган, суырмый инде», - ди Гүзәл.
Аннары ул ире Илдар белән кара мунча яхшырак, дип бәхәсләшә. Илдар үзе дә кара мунчаны сагынуын, әмма ак мунча да кирәк булуын әйтә.
Иҗади гаиләнең виртуаль дусларының күбесе кара мунча яратуларын язган:
«Кара мунчаның исе шәп»;
«Кара мунчага җитми инде»;
«Кара мунчалар хәзер юктыр инде ул. Булса да, бик сирәктер. Ак мунча күңелгә рәхәт»;
«Морҗасын ачмыйча гына яксаң, кара мунча була да куя ул»;
«Кара мунча - корымга баткан кара мунча була ул»;
«Кара мунча бик сирәк инде ул хәзер, музей экспонаты кебек»