Гүзәл Уразова: "Инде кызыбыз үсеп буйга җитте..."
Гүзәл Уразова: "Инде кызыбыз үсеп буйга җитте..."
Җырчы Гүзәл Уразова инстаграмда кызы Эллариның фотосын куйган. Фотодан матур итеп бизәнгән чибәр кыз карап тора.
"Илдар белән әле күптән түгел генә танышкан, кавышкан идек... Карасаң, инде кызыбыз үсеп буйга җиткән. Безнең ярдәмчебез, уң кулыбыз. Беркайчан да артыгын сорамас, төймә бүләк итсәң дә, шуңа өч көн сөенер. Әмма: сеңлесе белән энесенә тәмлүшкә алганда Элларига да алмасаң, үпкәләве бар. Шундый зур сабыебыз безнең. Һәм ул сабый бу атнада илебезнең иң зур сәхнәсендә үзе чыгыш ясыйчак. Борчылабыз, дулкынланабыз. Кызым, төкле аягың белән! Бар да яхшы булсын!" - дип язган Гүзәл.
Эллари әнисенең Мәскәүдәге Зур Кремль залында юбилей концертында җырлаячак. Эллариның ничек җырлавын Гүзәл бер күрсәткән иде.