Гүзәл Уразова булачак ире «яратам» сүзен әйтә белми дип уйлаган
Җырчы гаилә фотосын куйган һәм егет-кыз чакларын исенә төшергән.
Җырчы Гүзәл Уразова: «Сезгә яраткан кешегез танышканнан соң күпме вакыт узгач „яратам“ дип әйтте?» — дип сорап язган.
«Мин башта Илдар ул сүзне әйтә белми дип уйлый идем. Яңа ел алдыннан миңа тәкъдим ясаганда беренче тапкыр „Яратам! Гомерлеккә минеке бул әле!“ — диде. Аллага шөкер, хәзер гел яратып, мактап, комплиментлар гына әйтеп тора. Мин эрим дә китәм инде. Җылы сүз — җан азыгы дип юкка гына әйтмәгәннәрдер», — дип яшь чакларын искә алып, бүгенгесен дә бәян иткән җырчы.
Җырчының виртуаль дуслары да үз хатирәләрен барлаган:
«47 елга ике тапкыр, анысы да: „Син мине яратасыңмы?“ — дип сорагач кына әйтте. „Яратмасам, йөрмәс идем“, — диде. Гомер буе миннән башканы күрмәде. Эшкә озатты, каршы алды»;
«Танышканнан соң өч ел узгач. Хәзер унбиш ел бергә яшибез. Көн саен әйтә»;
«Танышкач, бер айдан соң яратам дип әйтте. Хәзер 20 ел торабыз, әйткәне юк. „Яратасыңмы?“ — дисәм, „Яратмасам, дүрт бала булмас иде“, — ди»;
«Гел әйтеп торгач, тәме китә бит аның»;
«Бер айдан соң: „Мин сине яратам, ахры“, — диде».
Инстачылар иҗади гаиләгә соклануларын, үрнәк булуларын язганнар һәм бәхет теләгәннәр.