Гүзәл Уразова белән Илдар Хәкимов матур датада кызыклы очрашулар турында сөйләде
Сүз 12.02.2022 датасы турында бара.
Гүзәл Уразова инстаграмдагы сәхифәсендә кызыклы очрашулар турында видео куйган. Поездда озатып йөрүче башта аларны танымыйча сөйләшә. «Җырчы Гүзәл Уразова», — дип Илдар Хәкимов әйткәч кенә танып кочаклап ала.
«Мәскәүдә концерттан соң такси чакырдык. Безне илткән абый татар абые булып чыкты. Сөйләшеп килә торгач, ул безнең Әстерхан шәһәреннән якын дустыбызның бертуган абые булып чыкты. Ул да бераз шаккатты, туганнарга фото төшереп җибәрәм әле дип фотога төште.
Аннары проводник апа белән дә шундый хәл. Мин сезнең җырларны гел тыңлыйм, әле генә сезнең җырны җырлый-җырлый вагонны юып чыккан идем ди. Нинди серле көн булды бу — 12.02.2022?», — дип язган җырчы.
Гүзәл Уразова поездда студент чакларын искә төшереп, Илдар белән доширак ашап кайтулары турында да әйткән.
«Сез гади кешеләрне якын итә беләсез», «Шундый гади булып калыгыз өч тиенлек дөньяда», — дип язганнар җырчыларга.
«Башта танымады, аннары ничек таныды…», «Вәт апаның реакциясе, чын реакция», «Шундый гади, нечкә күңелле апа», — дип комментарий калдырганнар поездда озата баручы апа турында.