Гүзәл Әхмәтованың әнисе иҗат иткән җыры музыкаль мәйданчыкларга чыкты
«Көткән ярым» җыры 2016 елда язылган.
Башкортстан җырчысы Гүзәл Әхмәтова 2016 елда әнисе иҗат иткән җырны тәкъдим итте.
«Күптән көткән ярым» җырымны барлык музыкаль мәйданнарда чыгарасым килде. Югалып калуын теләмим. Әнием Әлфия Вәлиева иҗат итте бу җырны. Рәхмәт сиңа, инәй.
Мин әниемнең бик күп җырларын җырлыймын, әмма цифрлы форматта беренче җыры чыга», — дип язган җырчы.
«Алга таба да безне үзеңнең һәм әниеңнең җырлары белән куандырып тор», дигән теләктә калган инстачылар.