Гүзәл Әхмәтовага: «Син нигә кияүгә чыкмыйсың?»
Эстрадабызда кияүгә чыкмаган яисә чыгып та аерылган җырчы хатын-кызлар шактый. Шуларның берсе — Гүзәл Әхмәтова…
Бүген ул шул чибәрлеге белән ялгызы гына кечкенә кызчыгы Амалияне үстерә. Баланың әтисе белән җырчының мөнәсәбәтләре әйбәт, дусларча. Баланы тәрбияләүдә ул да катнаша, ул бик әйбәт әти, әмма һәрберебезнең үз юлы, үз тормышы, дип әллә ничә тапкыр әйткәне булды Гүзәлнең.
Шулай да тамашачысы аны парлы итеп күрергә тели. Директка иң еш килгән сораулар да шуның белән бәйле. «Гүзәл, син нигә кияүгә чыкмыйсың?» — дип язалар икән аңа. Гүзәл моңа: «Мине шулхәтле кияүгә бирәсегез киләме?» — дип көлгән. «Әлегә кияүгә чыгарга теләгем юк. Әгәр үз кешемне очратсам, әлбәттә…» — дип җавап биргән.
