«Гөлсирин үзен купальниктан күрсәтми». Ә кемнәр күрсәтә?
Гөлсирин Абдуллина, Айсылу Габдинова, Азат Абитов һәм Рәнис Габбазов Зәңгәр күлгә су коенырга барганнар.
Коллектив белән коенып кайттык, дип язган инстаграмда Айсылу Габдинова.
Зәңгәр күл Казан янында гына урнашкан табигать могҗизасы. Монда су ел әйләнәсе 4 градус. Артистларның нинди салкын суда коенганын чамалагыз инде.
Инстаграмга куелган видеода барысы да шат күренә. Тик Айсылуның инстадуслары Гөлсириннең купальниктан булмавын абайлап алган һәм, купальниклы Айсылуга төрттерептер инде, Гөлсиринне мактарга керешкән: "Гөлсирин молодец, үзен күрсәтми купальник белән", "Тәртипле кыз". Айсылу Габдинова бу репликаларны "Ага" дип җаваплаган.
"Гөлсирин нишли анда, ул бит йөзә белми", дип язучы да бар.