Гөлназ Солтанованы "аягың ямьсез" дип тәнкыйтьләгәннәр

Җырчы Гөлназ Солтанованы күптән түгел инстаграмда тәнкыйтьләделәр.

Бер концертта ул кыска күлмәк киеп чыккан. Ассиметрияле күлмәген охшатмаганнар булса кирәк, инстадашлар "соңгы арада киемгә карата зәвыгың бетте", "күлмәгеңне кара халык кибетеннән алдың әллә, бик арзанлы булып тора", "озын күлмәк кисәң, килешер иде, аякларың матур түгел" дип язганнар.

Кичә Гөлназ бу тәнкыйтькә җавап посты язды.

"Миңа карата күп негатив беренче мәртәбә булды. Күпләр миңа озын күлмәктән җырларга куштылар, аякларың ямьсез, күлмәгеңне теләсә каян алгансың, диделәр. Бәлки, сез хаклыдыр, бу иң яхшы кием түгелдер, аякларым да идеаль түгелдер, аларны яшерергә кирәктер. Мин үземдә һәрвакыт күп кимчелекләр күрдем, аягым, буем турында комплексларым бар иде. Әмма үземне ничек бар, шулай кабул итә торган чор җитте. Хәзер тормышымда яңа этап башлана, ул гади генә түгел, миңа үз өстемдә эшләргә туры килә. Шуңа мин сезнең тәнкыйтьне кабул итәм", - дип язган Гөлназ Солтанова.