Гөлназ Сираева картая башлавын аңлаган
Җырчы әйләнә-тирәсендәге матурлыкны күрә башлавы турында әйтә.
Гөлназ Сираева туган ягының матурлыгын күрә һәм аңа соклана башлаган. Җырчы бу турыда инстаграм сәхифәсендә язган. «Бу картлык микән? Әллә инде карантин чикләүләре тәэсиреме?» — дип сорый ул инстачылардан.
«Карантин зур роль уйнады. Элек игътибар итмәгән бик күп әйберләрне күрергә, бәяләргә өйрәндек. Соклана һәм ярата башладык»;
«Матурлыкны күрә белергә күңел күзе кирәк»;
«Нинди картлык? Яшь зирәклеге бу. Кеше өлкәнәйгән саен дөньяның матурлыгын күбрәк күрә башлый»;
«Сезгә картаерга иртә әле! Сәламәт булыгыз!» — дип язганнар җырчының виртуаль дуслары бу пост астына.
«Сез — юк кына нәрсәләрдә гүзәллек күрә белүче, һәр туган көнгә куанып яшәүче ханым. Кешенең эчке дөньясыннан, сездәге кебек, һәрвакыт нур һәм игелек бөркелеп торырга тиеш. Бөтен чир — эчкә җыелган ачу-үпкәләр һәм нәфрәттән барлыкка килә», — дип мактаган Гөлназны бер инстачы.
