Гөлназ Шәрипҗанованы дуслары гаепли: «Күз төбе зәңгәр, корсагы чыккан, кесәсе ертык»
Инстачылар җырчы Гөлназ Шәрипҗановадагы үзгәрешләрне барлаган.
Җырчы Гөлназ Шәрипҗанова Инстаграм битендә тормыш иптәше Илсур белән төшкән фото урнаштырган. «Якынайтып карадыгызмы? Нәрсә таптыгыз?» — дип сораган җырчы.
Җырлы гаиләнең виртуаль дуслары тиз арада җавапларын яудыра башлаган.
Инстачыларның күбесе артистлардан өченче бәби алып кайту хәбәрен ишетергә өметләнгән.
«Бәби алып кайтасызмы әллә?»;
«Мин дә синдә үзгәрешне күргән идем, бәби алып кайтасызмы?»;
«Бала үз бәхете белән туа», — диешкәннәр алар.
«Ууууу монда, сезнең уң як күз төбегез зәңгәрләнеп тора, арт чыккан, корсак та әйбәт кенә. Илсурның күзе кысылып беткән, күлмәге кечкенә, култык астына кереп беткән»; «Илсурның кесәсе ертык»; «Гөлназның аяк бармаклары күренә»; «Илсурның чалбар кесәсе янында магнит калган», — дип язалар Шәрипҗановларның инстадуслары.
