Гөлназ Шәрипҗанова яңа фатирын күрсәтте

Гөлназ һәм Илсур Шәрипҗановлар тиздән күченәчәк яңа фатирларын күрсәтте. Җырчылар Казанда төзелеп килә торган йортта фатир сатып алганнар.

«Безгә әлегә ачкычларны бирмәделәр. Әмма без „блат“ буенча гына кереп, фатирыбызны карап чыгарга уйладык», — дип сөйли ул сторисларында.

Фатирда әлегә коры стеналар һәм тәрәзә-ишекләр генә бар. Гөлназ фатирның түшәменә төзүчеләр ясап куйган йөрәк рәсемен һәм үзе легендар фотолар ясый торган балконны күрсәткән. Йортның ишегалдындагы эскәмиягә утырып, фото ясаган. «Күченмәдек, ә ипотекасын түлибез инде», — дип язган ул.