«Сезнең арада нинди категория күбрәк икән: бәрәңге матыклаучымы, печән җыючымы, теплицада казынучымы, бакча яшелчәләрен ашаучымы, урамда коляска этеп йөрүчеме?» — дип сорап язган ул.
«Мин коляска этеп кереп, печән җыештым, кирәгем чыкмагач, бәрәңге бакчасын матыкладым. Аннан кереп бер пешкән җиләк ашап чыктым. Теплицага Минтимер белән Асылбикә су сибеп чыкты», — дип язган һәм мунчага да кереп чыгарга өлгергән җырчы.
Гөлназның виртуаль дуслары арасында коляска этеп йөрүчеләр күбрәк икән. Кайберләре печәне дә, бакчасы да эләгүен әйткән. Яшь әниләрнең кайберләре, әбиләр бала караганчы бәрәңге эшкәртүне сайлавын әйткән. Ә инде коляскада ятарлык балалары булмаганнар бар эшкә дә өлгерә икән.
«Безнең як килене бик уңган бит», — дип мактап алганнар җырчыны.