Гөлназ Сәфәрова беренче тапкыр үбешүен искә төшергән
Танылган алып баручы кинодагыча гашыйк булырга һәм яратырга хыялланган.
Татарстанның атказанган артисты Гөлназ Сәфәрова кинодагыча гашыйк булырга һәм яратырга хыялланган. Бу турыда ул инстаграмдагы сәхифәсендә язган.
«Ант дип әйтәм, минем беркайчан да «яратам», «гашыйк булдым» дип, кинолардагыча мендәрләргә ятып, төне буе елаганым булмады. Ә шулай эшләп карарга бик тели идем.
Беренче тапкыр мин 13 яшемдә үбештем. Ул егет миңа бик ошый иде, миңа карады, минем арттан йөри башлады. Озатып кайтты, үпте.
Мин өйгә кереп, йокларга яттым да кинодагыча мендәр кочакладым. Бу үбешү турында уйлап ятарга кирәктер, дип уйлап куйдым. Аннары арыганлыгымны аңладым да, иртәгә уйлармын дип йоклап киттем.
Кыскасы, мәхәббәт булып чыкмады бу, анысы соңрак килде», — дип язган танылган алып баручы.
«Гөлназ, сез — гади, эчкерсез, яхшы күңелле, искиткеч кеше», — дип язган инстачылар.