Гөлназ Асаева: «Этләр белән эт буласы килми, көчекләре белән бигрәк тә»
Яшь җырчы Гөлназ Асаева Инстаграм битендә фәлсәфи фикерләре белән бүлешүен дәвам итә. Инстачылар җырчыга үзләренең киңәшләрен калдырган.
![Гөлназ Асаева: «Этләр белән эт буласы килми, көчекләре белән бигрәк тә»](https://intertat.tatar/resize/shd/images/uploads/news/2020/3/2/abc113df182ff78e61bb0c0494c579879ca30c3cb14a3f3a9335ecf30dea.jpg)
«Этләр белән эт буласы килми. Көчекләре белән бигрәк тә», — дип язган җырчы.
Җырчының виртуаль дуслары арасында аны яклучылары да, тәнкыйтьләүчеләре дә табылган.
«Маладис», — дип хуплаган Гөлназны җырчы, композитор Гүзәлия.
«Кеше сүзен тыңла, үзеңчә эшлә, эт улый тора, бүре йөри тора, көнләшәләр»;
«Афәрин, чибәркәй. Алардан өстен бул. Тәрбияле гаиләдән булуың күренеп тора»;
«Сүзләрен кайдан табып бетерәсең?»;
«Бу баланы кем үпкәләткән икән, юньсезләр, телегездә матур сүзләр булмаса, язмавыгыз әйбәтрәк» — дигән комментарийлар калдырганнар җырчыга.
Кайбер инстачыларга Гөлназның әлеге фикерләре ошап бетмәгән.
«Болай сөйләшү бер дә килешми, үзең турында бик югары фикердә», «Алай язма, дәшмичә йот, акыллырак бул», — дип язган алар.