Гөлназ Асаева белән Вильдан Шәмсетдинов язылышкан — фото
Яшьләр купшы туйлар уздырып мәшәкатьләнмәгән.
![Гөлназ Асаева белән Вильдан Шәмсетдинов язылышкан — фото](https://intertat.tatar/resize/shd/images/uploads/news/2021/8/12/f211666838c4e70e0757145a602a197151e795e2d03e44c39a1f6fbbe92e.jpeg)
Гөлназ Асаева белән Вильдан Шәмсетдинов, купшы туйлар ясап тормыйча гына, язылышып кайткан.
Бу хакта яшьләр инстаграмда хәбәр итә.
«Офиска барышлый ЗАГСка кереп язылышып чыгучылар бер без генәдер ул», — дигән Гөлназ.
Күп кенә виртуаль дуслары җырчыларның туй ясамыйча, гади генә өйләнешүләренә аптыраган. «Ә ак күлмәк, кәләшнең дус кызлары, туй мәҗлесе кайда?» — дип сораганнар. Балаларына матур видеолар күрсәтү өчен туй уздырып алырга кушканнар.
Законлы ир белән хатынга матур тәбрикләү сүзләре дә язганнар. «Бәби туганчы кирәк иде инде», «Булдыргансыз, нәрсәгә кирәк ул бу эсседә кабарынкы күлмәкләр, машинада янып-пешеп йөрүләр. Бик дөрес эшләгәнсез», «Бәхетле булыгыз, бер мендәрдә картаегыз», — дигәннәр.