Гөлдания Хәйруллина яңа һөнәр үзләштергән
Брусчатка чистартырга кирәк булса, җырчыга мөрәҗәгать итә аласыз.
Гөлдания Хәйруллина ишегалдында брусчатка чистарткан видеосын инстаграмга куйган. «Бу үзизоляция вакытында нинди генә һөнәрләр үзләштермәдем инде. Концертлар кайчан башланыр икән?» — дип сораган җырчы инстадусларыннан.
«Көчле итеп аккан су белән юдыртсаң, үләннәрне дә алып була»;
«Бездә тузансуырткыч белән җанын алалар брусчатканың», — дип киңәшләр биргәннәр виртуаль дуслары Гөлданиягә.
«Карале, идея… Минем баш җитмәс иде әле, брусчатка чистартырга яхшы корал тапкансың»;
«Кызыгызның кемгә охшап шундый уңган булуы аңлашыла инде», — дип мактаганнар җырчыны.
«Әләй, билеңә төшә бит, жаным», — дип, кызганучылар да табылган үзен.