Гөлдания Хәйруллина кызы белән халыкны шаккаттырган
Лилия Хәйруллина әнисе белән төшкән яңа видео куйган.
Җырчы Лилия Хәйруллина әнисе белән төшкән видео куеп, халыкның кәефен күтәргән.
Видеода Лилия әнисе белән диванда утыра. Видеоны көн кадагына туры китереп төшергәннәр. Үз-үзеңне изоляцияләүдә утырып Лилиянең акча янчыгы бушаган, ә әнисенең температурасы да күтәрелгән. Алар козгын сыман кычкырып, инстачыларның күңелен күтәргән.
Комментарийларны беренче булып язучы «юмор-шоу ачарга була», дигән. «Киләчәктә концертларны да юмор форматына күчерми булмас», - дип җавап биргән җырчы.
«Искитмәле. Көлдереп үтерәсез. Көн кадагына туры килә»;
«Видео көлке, вазгыять коточкыч»;
«Режиссёрга Оскар премиясе бирергә»;
«Уф! Каян уйлап чыгарасыз? Афәрин, көлдердегез»;
«Көнне сезнең белән башлыйм. Сезнең белән тәмамлыйм. Үтерәсез көлдереп, авырмагыз инде»;
«100 тапкыр карадым»;
«Каян уйлап чыгарасыз! Үтердегез көлдереп»;
«Өйдәге калган кешеләрнең йөрәкләре нихәл анда? Йорт хуҗасыныкы (домовой) ярылгандыр», - дип борчылган берәүгә: «Йорт хуҗасы күптән качты инде», - дип җавап биргән Лилия.
«Саташа башлаганнар инде болар, барыгыз, чыгып бакча казыгыз!», «Бу яшьтә кылану килешми», - дип комментарий калдырган юморны аңлап бетермәүчеләр.