Футбол буенча СССР чемпионы Валентин Афонин вафат
Афонин өч ел рәттән илнең иң яхшы футболчысы дип табылган спортчы.
Мәскәү ЦСКА командасы футболчысы, 1970 елда СССРның футбол чемпионаты җиңүчесе булган Валентин Афонин вафат. Бу хакта клубның матбугат хезмәте хәбәр итә.
ЦСКА, чемпион вафат булу сәбәпле, кайгы уртаклашуы хакында белдергән.
Футболчы СКА (Ростовтагы Дон) һәм ЦСКА (Мәскәү) өчен чыгыш ясады. Афонин Советлар Союзының җыелма командасы уенчысы. Ул уйнаганда команда дөнья чемпионатында 1966 елда дүртенче урын алган иде.
1968, 1969, 1970 елларда илнең иң яхшы футболчысы дип табылган.
Уеннардан киткәч, Афонин тренер булып эшли. ГСВГ һәм СКА (Хабаровск), «Сокол» (Мәскәү) командаларында эшли.
