Фурадан ишелеп төшкән бүрәнә аркасында каршы яктан килә торган машина йөртүчесе үлгән

Төмән өлкәсендә йөк машинасын йөртүче ир-ат икенче фура прицебыннан ишелеп төшкән бүрәнә аркасында үлгән. Бу турыда РЕН ТВ хәбәр итте.

Фаҗига Шадрин-Ялутор юлының 198нче километрында була. Юлдан бара торган «Freightliner» фурасының прицебыннан бүрәнәләр ишелә. Бер бүрәнә каршыга килә торган «Iveco» йөк машинасы өстенә төшә. Бу турыда Төмән өлкәсе буенча ЮХИДИ хәбәр иткән.

Көчле бәрелүдән «Iveco» машинасы юл кырыена төшеп китә, йөртүче урында ук һәлак була.

Ә «Freightliner» йөртүчесе моны белми дә узып китә. Аннары аны шаһитлар 500 метр узып киткәч кенә туктата.

Тикшерү бара, диелә хәбәрдә.