Фунчозаны дөге токмачы дип тә йөртәләр, ул - пыяласыман токмач.
Салат өчен: фунчоза, яңа өзелгән кыяр, төрле төстәге татлы борыч, кишер, ак һәм кара көнҗет орлыгы, тоз, зәйтүн мае.
Фунчозага яңа кайнап чыккан су салырга һәм 5-7 минут тотарга. Аннары саркытырга һәм салат савытына салырга.
Кыярны һәм татлы борычны саламлап турарга, кишерне угычтан (корейча кишер кебек уылса яхшырак) уарга.
Соңыннан барлык ингредиентларны кушып болгатырга һәм табынга бирергә.
Салатка пешкән яки ысланган тавык ите дә кушарга мөмкин.