Белгород янындагы Томаровка бистәсендә 13 яшьлек кыз үзәк парктагы фонтанда уйнганда һәлак булган. Бу хакта төбәкнең Тикшерү комитетында хәбәр иттеләр, дип яза РЕН ТВ.
Фаҗига 2 июнь көнне көндез булган. Якынча фаразлар буенча, укучы кызга суда электр тогы суккан. Үлемнең төгәл сәбәбен суд-медицина экспертизасы ачыклаячак.
«Балигъ булмаган яшьтәге кызга контактлы фонтан территориясендә уйнаганда электр тогы суккан, һәм ул шул сәбәпле үлгән, дип фаразлана», – диләр Тикшерү комитетында.
Җинаять кодексының «Саксызлык аркасында кеше үлеменә китерү» маддәсе буенча җинаять эше кузгатылган, диелә хәбәрдә.
