Фирдүс Тямаевтан бер фанаты 4 мең сум акча таптыра. Шундый эчтәлектәге комментарийны җырчының «ВКонтакте»дагы фан-төркемендә калдырганнар.
«Альфонс, кайчан бурычны кайтарасың? 4 меңне коллективтан сорый алмыйм. Адәм көлкесе, җырчы, үзе кызлардан акча сорый, аннан бирми, альфонс, бабник, сказочник», – дип, бурычын кайтаруны сорап кына калмаган, әнә шундый берсеннән-берсе «матур» сүзләр дә сырлаган Фирдүс Тямаев турында Фәния Сәлимҗанова исемле бер кыз.
«Кемгә бурычыгыз бар?» – дип, Фирдүснең үзе белән элемтәгә кергән идек. Җырчы бу комментарий турында бөтенләй хәбәрдар түгел булып чыкты. «Кайда язганнар, кем язган?» – дип кенә кызыксынды, фикерен белдермәде.
Ләкин Тямаев Фәнияне генә җавапсыз калдырмаган. Комментарийны кереп күргәннән соң, ул аңа: «Әй, е…., по тебе психбольница плачет», – дип язып калдырган.
