Фирдүс Тямаев социаль челтәргә трактор белән ком ташыган видео куйган. Видеода күренгәнчә, трактор яңа, заманча, әмма аның кабинасы юк. Җырчының янында улы да утыра, халык бала өчен борчылган.
«Баланың куркынычсызлыгы беренче урында булырга тиеш. Әз генә баш белән уйлагыз. Аллаһ сакланганны саклый»;
«Баланы куркыныч астына куеп»;
«Уф, бала төшеп китә дип куркуларым», дигән комментарийлар калдыручыларга «бала иминлек каешын эләктергән, яхшылап карагыз», дип җавап язган видеоны игътибар белән караучы.
«Улым үзенә уйнарга ком ташыта. Барысы да контрольдә», – дип язган җырчы.
«Бу трактор ничә сум икән?» – дип кызыксынучы да бар.