Фирдүс Тямаев «Өзелеп яратам» җырына яңа клибын тәкъдим итте. Анда Фирдүс кибеттә сатучы булып «эшләүче» Марат Мухинның хатыны Гөлиягә гашыйк була, әлбәттә, бу хакта популяр аранжировка ясаучының үзенә дә җиткерәләр. Дәвамын клиптан карый аласыз...
«Бу клипны төшергәннән соң, күзгә йокы кермәде. Ә Фирдүс туры травматологиягә китте. Аллага шөкер, бар да тәртиптә. Менә бүген, елмаеп-көлеп, сезгә бу клипны тәкъдим итәбез. Клипта катнашы булган һәр кешегә рәхмәтебезне белдерәсе килә», – дип язган клип режиссеры Лилия Кадыйрова.
Тамашачыларның күпчелеге шаян клип буларак кабул иткән, әмма «бәйләнүчеләр» дә бар.
Мисал өчен, «Печән фонында «Мерседес» машинасы нишли, шул кыйммәтле машинасы белән печән җыйганмы әллә?» – дип язучылар бар.
«Клипның мәгънәсе бай егетнең авылга кайтуы һәм авыл кызына гашыйк булуында дип уйлыйм», – дип аңлатырга теләгән берәү.