«Котылдым, дуслар» – Фирдүс Тямаев, хатыны белән әнисенә дә әйтмичә, операция ясаткан
Фирдүс Тямаев, беркемгә дә әйтмичә генә, аягына операция ясаткан.
«Котылдым, дуслар! Ниһаять, көтеп алынган операциямне Уфада 2,5 сәгать ясадылар. Зур рәхмәт Уфа табибларына, биредәге хастаханә хезмәткәрләренә.
Әни, ачуланма инде, алдан әйтмәдем. Әйткәч сүгеп тә алдың инде мине. Резедам, ике улым, сезгә дә алдан әйтмәдем, сез дә ачуланмагыз. Күрешербез, Аллаһ теләсә.
Тямай төркеме, сезгә зур рәхмәт. Кичә концерттан соң кисәк кенә әйттем, шокта калдылар. Барысы да хәлне белешеп тора.
Бүген бертуган энекәш килде, минем яраткан шоколадларымны алып килгән. Ләйсән дустым, сиңа зур рәхмәт тәмле ашларың өчен. Концерт директорым Альбинага рәхмәт. Төне буе йокламыйча, кара буранда минем белән килде, операция ясаганнарын көтеп торды. Ул әле дә минем янымда.
Алга таба концертларым тагын да «бомбовый» булачак. Барыбыз да исән-сау булыйк. Иң мөһиме – бурычымны үтәдем, шушы көннәрдә егетләргә гуманитар ярдәм китте. Күчтәнәчемне кабул итеп алыгыз, егетләр. Мин сезне просто люблю и все!» – дип язган Фирдүс үзенең социаль челтәрдәге сәхифәсендә.
Фирдүс Тямаев моннан 2 ел элек Германиядә шушы ук аягына операция ясаткан иде инде. Аның ни өчен уңышсыз чыгуы хакында һәм бу юлы ни өчен Уфа табибларына мөрәҗәгать итәчәге турында ул биредә сөйләде: